Бешта йўналиш танлаш мажбурийми?
Йўқ, абитуриент учун бешта йўналиш танлаш шарт эмас.
Бу ҳақда БМБАининг расмий ахборотларида ҳам, шахсий кабинет орқали йўналиш танлаётганда ҳам махсус огоҳлантириш берилади.
Танловда иштирок этиш учун абитуриент камида битта таълим йўналишини танлаши шарт. Лекин қолган йўналишларни танлаш ихтиёрий. Яъни, абитуриент хоҳласа иккита, хоҳласа учта, ёки тўртта йўналиш танлаши мумкин.
Ҳеч қандай ҳолатда «айнан бешта йўналишни танлаш шарт» деган қоида мавжуд эмас. Бу фақатгина максимал чегара бўлиб, имконият сифатида берилган.
Танловда қатнашувчилар ўз хоҳиши ва имкониятларидан келиб чиққан ҳолда қанча йўналиш танлашларини мустақил ҳал қилишлари мумкин.
