Олий ва профессионал таълим муассасаларига кириш тест синовларида иштирок этган абитуриентлар 2025 йил 25 июлдан 8 августга қадар 15 кун давомида олий таълим муассасалари ва таълим йўналишларини танлашлари керак бўлади.
Абитуриентлар қуйидагиларни танлаши лозим:
– олий таълим муассасаси (тест синови топширган фанлар мажмуасига мос таълим йўналиши мавжуд ОТМ);
– бакалавриат таълим йўналиши (тест синови топширган фанлар мажмуаси ва таълим тилига мос йўналиш);
– таълим шакли (турли таълим шаклларини танлаш мумкин);
– танлов устуворлиги («Давлат гранти» ёки «Таълим йўналиши» устуворликларидан бири).
Абитуриентлар тест синови топширган фанлар мажмуаси ва таълим тилига мос 5 тагача олий таълим муассасаси ва таълим йўналишини танлаши мумкин.
Сайт манзили: my.uzbmb.uz («Олий ва профессионал таълим муассасаларига қабул» бўлими => «ОТМ танлаш»)
Муддат: 2025 йил 25 июлдан 8 августга қадар (шу кунлари ҳам)
Абитуриентларнинг талабаликка тавсия этилган ёки этилмагани тўғрисидаги якуний танлов натижалари таълим йўналишларини танлаш тўлиқ якунлангандан сўнг бир ҳафта муддатда эълон қилинади.
