Президентнинг (24.05.2024 йил ПФ-81-сон) Фармонига кўра, 2024/2025-ўқув йилидан бошлаб бакалавриат ва магистратурага қабул қилинган талабаларга таълим гранти бир ўқув йили учун ажратилади.
Бу тартиб мазмунан, супер-контракт орқали ўқишга қабул қилинган талабаларга ҳам татбиқ қилиниши мумкин. Чунки, таълим гранти иккинчи ва ундан кейинги курсларда юқори академик рейтинг кўрсаткичга эришган ва ижтимоий фаол талабалар орасида қайта тақсимланади.
Бу жараёнда, 1-курсда ўзлаштириши юқори бўлган талабалар кейинги йилдан грант асосида таҳсил олиши мумкин.
Таъкидлаш лозим, мазкур тартиб фақатгина 2024-2025 ўқув йилидан бошлаб ОТМга қабул қилинган талабаларга амал қилади ва кейинги ўқув йилларида ҳам давом этади.
Маълумот учун, ушбу тартибнинг низоми ҳукуматнинг тегишли қарори билан тасдиқланди.
