Сунъий интеллект соҳасида етакчи компания ҳисобланган OpenAI ўзининг экспериментал моделини Халқаро математика олимпиадасида (IMO) доирасида синовдан ўтказди ва у «олтин медаль даражаси»га тенг натижа кўрсатган.
Бу ҳақда OpenAI да тил моделлари ва мантиқий хулосалаш устида ишловчи тадқиқотчи Aleksandr Vey маълум қилди. Унинг сўзларига кўра, модель олти топшириқдан бештасини тўлиқ бажарган ва 42 баллдан 35 балл тўплаган. Бу натижа IMO даги энг кучли иштирокчиларнинг ютуқлари даражасига тенг ҳисобланади.
Халқаро Математика Олимпиадаси (IMO) 1959 йилдан бери ҳар йили ўтказилиб келинади. Олимпиадада юзлаб давлатлардан энг иқтидорли ўқувчилар иштирок этиб, юқори даражадаги математик масалаларни ечиш бўйича баҳслашадилар. 2024 йилда 630 иштирокчидан атиги 67 нафари олтин медалга лойиқ топилган.
Сунъий интеллект одатда катта ҳажмдаги маълумотларни қайта ишлаш ва такрорий операцияларни бажаришда устунлик қилади. Бироқ, ижодкорлик ва мослашувчан тафаккур талаб қилинадиган топшириқларда у кўпинча ожиз бўлади. Аммо бу сафар, OpenAI тадқиқотчиларининг айтишича, модель инсоний мулоҳазаларга яқин даражада фикрлай олди. Aleksandr Vey нинг таъкидлашича, модель профессионал математиклар даражасида мураккаб ва аниқ исботлар тузишни ўрганган.
