Миллий статистика қўмитаси маълумотларига кўра, 2025 йилнинг январь май ойларида таълим соҳасидаги хизматлар ҳажми 14,7 трлн сўмни ёки кўрсатилган бозор хизматлари умумий ҳажмининг 4 % ини ташкил этган.
Бу кўрсаткич 2024 йилнинг мос даврига нисбатан 8,9 % га ошган.
Таълим соҳасидаги хизматларнинг умумий ҳажмида олий таълим соҳасидаги хизматлар устунлик қилиб, 2025 йилнинг январь май ойларидаги улуши 49,2 % ни ташкил этган.
Аввалроқ, 2025 йилнинг январь март ойларида таълим соҳасидаги хизматлар ҳажми 8,1 трлн сўмни ёки кўрсатилган бозор хизматлари умумий ҳажмининг 3,8 % ини ташкил этган эди.
