Маълумки, 2024 – 2025-ўқув йили қабулидан бошлаб абитуриентларни онлайн рўйхатга олиш икки босқичда амалга оширилмоқда.
Биринчи босқичда абитуриентлар фанлар мажмуасини, таълим тилини, тест топшириш ҳудудини (алоҳида иқтидор талаб этиладиган йўналишларда абитуриентлар таълим йўналиши ва имтиҳон топширадиган ОТМни ҳам) танлайди. Ушбу босқич якунлангандан кейин, деярли 10 кун давомида ҳар куни икки сменада тест синовлари бўлиб ўтади.
Тест натижалари қачон эълон қилинади?
Белгиланган тартибга кўра, тестга кирган ҳар бир абитуриент ўзининг натижасини тестга кирган кундан бир кун ўтиб билиб олиши мумкин. Аммо, ўқишга кирган ёки кирмаганлиги ҳақида билишнинг имкони йўқ.
Тест синовлари якунлангандан сўнг рўйхатга олишнинг иккинчи босқичи, яъни танлов босқичида абитуриентларда фанлар мажмуаси бир хил бўлган бештагача таълим йўналишини танлаш имконияти мавжуд бўлади. Иккинчи босқич 27 июлдан 10 августгача давом этади.
Низомга кўра,л иккинчи босқич якунлангандан сўнг, бир ҳафтадан кейин якуний мандат чиқиши керак. Маълумот учун, ўтган йилги қабулда 17 июль куни мандат чиққан эди.
