Хабарингиз бор, кеча, 6 июль кунидан тест синовларига кириш учун абитуриентларга «Абитуриент рухсатномаси»ни бериш бошланди.
Жараёнлар бошланганлиги сабабли, таҳририят ботига абитуриентлардан рухсатномани юклаб олишда муаммолар юзага келаётганлиги бўйича саволлар келиб тушмоқда.
Масалага аниқлик киритиш мақсадида, Билим ва малакаларни баҳолаш агентлигининг ишонч рақами (+998 95) 199 19 14 билан боғландик.
Унга кўра, кўпчилик рухсатномани юклаб олишда хизматлар бўлимидан юклаб олаётганлиги сабабли рухсатномалар очмаётганлиги, у бўлимдаги маълумотлар ўтган йилги маълумотлар эканлигини айтди. Шунинг учун, рухсатномани юклаб олишда қайд варақанинг ичидан 1-2-босқич деган жойидан юклаб олиш кераклиги маълум қилинди.
Рухсатномалар босқичма-босқич чиқаётганлиги сабабли бугун кун якунигача кутиш керак эканлиги айтилди. Агар юклаб олгандан кейин ҳам очмаётган бўлса, компьютер ёки ноутбук қурилмаларида юклаб олиш тавсия этилади.
Шунингдек, 5 та фандан сертификати бор бўлган абитуриентларга ҳали рухсатнома чиқмагани юзасидан Билимни баҳолаш агентлиги матбуот котиби Жавлонбек Нурматов билан боғландик.
Унинг айтишича, 5 та фандан сертификати бўлган абитуриентларга рухсатнома чиқмаслиги, улар 2-босқич бошланганда 5 тагача таълим йўналиши танлашлари кераклигини маълум қилди.
