Жарқўрғон туманидаги бир мактаб директори ўқитувчидан 400 АҚШ доллари миқдорида пул маблағини беришни талаб қилди.
Аниқланишича, мактаб директори ушбу мактабнинг ўқитувчисини қўшимча маънавий-маърифий ишлар бўйича директор ўринбосари лавозимига 0,5 штатлик лавозимига тайинлашини айтган.
Бунинг эвазига эса 400 АҚШ доллари миқдорида пул маблағини беришни талаб қилган.
Шунингдек, унга яна қўшимча равишда 300 АҚШ доллари бермаса, уни директор ўринбосарлигидан бўшатиб, бошқа ходимга беришлигини айтган.
Ҳолат Жиноят ишлари бўйича Жарқўрғон туман судида кўриб чиқилиб, мактаб директорини 6 йил муддатга озодликдан маҳрум қилинган.
