Янги эълон қилинган қўшма қарор лойиҳасида информатика фани ўқитувчиларига устама тўлашда Microsoft Certified Educator (MCE) сертификатини рўйхатдан чиқариш ҳамда “IC3 Digital Literacy Certification” халқаро сертификатини рўйхатга киритиш таклиф этилмоқда.
Устама олиш учун педагогларнинг натижаси “IC3 Digital Literacy Certification”да ҳар бир модуль бўйича (жами 3 та модуль) 700 балл ёки ундан юқори бўлиши лозим.
Мазкур қарор кучга киргунга олинган сертификатларга уларнинг олинган кунидан бошлаб амал қилиш муддати тугагунга (муддати чекланмаган (белгиланмаган) сертификатлар учун сертификат олинган кундан бошлаб уч йилдан кўп бўлмаган вақт мобайнида) қонунчилик ҳужжатларида белгиланган тартибда устамалар қўлланилади.
