2025-йил учун The Center for World University Rankings (CWUR) томонидан Global 2000 университетлар рейтинги рўйхати эълон қилинди.
Ушбу рейтинг қуйидаги 4 та асосий мезон асосида жами 21 462 та таълим муассасаси баҳолаб, энг юқори ўринларни олган олийгоҳлар Global 2000 рўйхатига киритилган:
Таълим сифати (25%)
Битирувчиларнинг ишга жойлашиши (25%)
Ўқитувчилар сифати (10%)
Тадқиқот фаолияти (ижодий ишлар, таъсир ва иқтибослар, жами 40%)
Унга кўра, 2025‑йилдаги асосий натижалар билан энг юқори ТОП-10 талик ўринларида қуйидаги университетлар кўрсатилган:
1. Harvard University
2. Massachusetts Institute of Technology (MIT)
3. Stanford University
4. University of Cambridge
5. University of Oxford
6. Princeton University
7. University of Pennsylvania
8. Columbia University
9. Yale University
10. University of Chicago
Марказий Осиё давлатларидан ягона университет (CWUR) Global 2000 (яъни, дунёнинг энг яхши 2000 университети рўйхати) ичига кирган — бу Қозоғистоннинг Назарбаев Университети бўлди. Мазкур университет рўйхатдан 1540-ўринни эгаллаган. Ўзбекистон олий таълим муассасалари эса бу рўйхатга киритилмаган.
Шунингдек, Хитой 2025 йилда илк марта АҚШни ортда қолдирган: Global 2000 рўйхатига Хитойдан 346 та, АҚШдан 319 та университет киритилган.
Мамлакатлар кесимида асосий кўрсаткичлар:
АҚШ: Топ-10 ичида 8 та университет билан етакчи; умумий ҳисобда 319 та университет билан иккинчи ўринда (Хитойдан кейин). Harvard, Stanford va MIT — дунёда энг кўп иқтибос келтирилган университетлар. Барча Ivy League университетлари Топ-75 ичида.
Хитой: Бу йил 346 та университет билан энг кўп вакилликка эга мамлакат бўлган. C9 League университетлари ҳаммаси ўз позицияларини яхшилаган.
Япония: 107 та университет билан рўйхатга киритилган; Токио университети энг юқори — 13-ўрин.
Буюк Британия: 89 та университет билан рўйхатдан ўрин олган. Cambridge университети кетма-кет 12 йилдирки дунёдаги энг яхши давлат университети деб топилган.
Франция: 71 та университет рўйхатда. Етакчи — PSL University (19-ўрин).
Россия: 43 та университет билан рўйхатда, энг юқориси — Moscow State University (245-ўрин).
Маълумот ўрнида, The Center for World University Rankings (CWUR) —2012 йилдан бери ҳеч қандай сўровнома ва университетлар томонидан юборилган маълумотларга таянмасдан баҳолайди. У шу пайтгача дунё университетларини баҳолайдиган ягона академик рейтингни эълон қилиб келмоқда.
