Ижтимоий тармоқларда Тошкент вилоятининг Паркент туманида 3 нафар бола сувга чўкиб ҳалок бўлгани ҳақидаги хабарлар тарқалди.
Маълум бўлишича, ҳодиса кеча, 14 июнь куни соат 14:00 лар атрофида Паркент туманида содир бўлган.
Унга кўра, бир гуруҳ болалар туманнинг Сурхи маҳалласи ҳудудидан ўтган Паркентсойнинг қуриган ўзанида ҳосил бўлган кўлмакка чўмилишга борган. Шунда болалардан 3 нафари сувга чўкиб, ҳалок бўлган.
Болаларнинг жасади кўлмакдан олиб чиқилган. Сувнинг чуқурлиги 2 метргача етган. Бу ерда чўмилиш мумкин бўлмаган.
