Ихтисослаштирилган таълим муассасалари агентлиги тизимида ташкил этилган ушбу мактабга 2025/2026 ўқув йили учун 60 нафар ўқувчи 9-синфга икки босқичли саралаш имтиҳони орқали қабул қилинади.
Аввалроқ, Президент фармони билан Ал-Беруний номидаги халқаро мактаб-интернат фаолияти йўлга қўйилиши ҳамда битирувчиларга халқаро диплом берилиши ҳақида хабар берган эдик.
Аризалар шу йилнинг 5 июнидан 25 июнигача онлайн тарзда my.gov.uz ҳамда аrizа.piima.uz сайтлари орқали қабул қилинади.
Имтиҳон икки босқичда амалга оширилади:
1-саралаш босқичда – ўқувчилар математика ҳамда инглиз тили фанларидан 40 тадан тест топшириғини бажаради.
2-босқичда – энг юқори натижа қайд этган 300 нафар номзод учун Тошкент шаҳрида имтиҳон ўтказилади.
Улар:
– математикадан – 5 та масала,
– инглиз тилидан – 4 та ёзма иш (эссе) ёзишлари талаб этилади.
Имтиҳонда энг юқори натижа қайд этган 60 нафар ўқувчи мактабга қабул қилинади. Дарслар Тошкент шаҳридаги Ал-Хоразмий номидаги ихтисослаштирилган мактаби биносида ташкил этилади.
Cаll-марказ: 1206 ёки +998 78 1137789
