Бироз аввал бўлиб ўтган Ўзбекистон ва Словения Президентлари иштирокидаги бизнес форумда Шавкат Мирзиёев ўзбек ёшлари билан ҳам суҳбатлашди.
Қуйида президентнинг гапларини айнан келтирамиз:
«Ҳозиргина Словения Президенти Наташа Пирс Мусар хоним билан келаётган пайтимизда қаршимиздан ўзбек ёшлари чиқди. «Ҳурматли президент, мен шу ерда ўқийман, сунъий интеллект бўйича шуғулланаман»,- деди. Биласизми, мени нима қувонтирди? Йигитлар Президент хоним билан словен тилида эркин суҳбатлашишди. Болаларим билан фахрландим, ҳа жуда фахрландим.
Менинг асосий кучим— ёшлар. Бугунги кунда Ўзбекистон аҳолисининг 60 фоизини (38 миллионлик аҳолининг) 30 ёшгача бўлган ёшлар ташкил қилади. Улар билан қандай қилиб ҳисоблашмаслик мумкин?
Юртимиз ҳар йили тахминан бир миллион кишига аҳоли кўпаймоқда. Бу келажакда — бу устунликка айланади.
Мен ўша ёшларни кўрганимда, иккаласи ҳам ўзига ишонган, қатъий қарашли эканини англадии. Улар аллақачон қўшма корхона ташкил этишга киришганини маълум қилишди.
Яна бир ёш йигит — сунъий интеллект соҳасида ўқиётган талаба — менга: «Жаноб Президент, ишонч билан айтаман, албатта Ўзбекистонга қайтиб келаман деди», — дейди Шавкат Мирзиёев.
