Маълумки, ўтган йилидан бошлаб давлат ОТМларига ҳужжат топшириш 2 босқичда амалга ошириляпти.
1-босқич 0ътган йили 5 июндан 25 июнга қадар (шу куни ҳам) амалга оширилган. Амалдаги тартиб бўйича бу йил ҳам шу санада қабул бошланиши керак. Бу дегани: абитуриентлар атиги 2 ойдан кейин ҳужжат топширишади.
Аввал ҳамма ОТМга кириш учун имтиҳон топширадиган фанларини танлайди. Кириш имтиҳонлари тугагач, 2-босқич учун ҳужжат топширишади.
2-босқичда абитуриентлар тест синовлари тўлиқ якунланганидан сўнг 15 кун давомида олий таълим муассасаси, бакалавриат таълим йўналиши ва таълим шаклини танлайдилар.
Коллеж ва техникумларда ўқиш истагини билдирган абитуриентлар коллеж ва (ёки) техникумни, касб ва мутахассисликни ҳамда таълим шаклини ОТМларига қабулнинг якуний натижаси эълон қилинганидан сўнг 10 кун муддатда танлайди.
