Наманган шаҳридаги Президент мактабининг 11-синф ўқувчиси Муҳаммаддиёр Олимжонов Шанхай Нью-Йорк университетига тўлиқ грант асосида ўқишга қабул қилинди. Битирувчимиз ютган грант миқдори 248 000 АҚШ долларини ташкил қилади. Бу ҳақда Ихтисослаштирилган таълим муассасалари агентлиги ахборот хизмати маълум қилди.
Маълумот ўрнида, Шанхай Нью-Йорк университети (NYU Shanhai) – бу Нью-Йорк университетининг (NYU) халқаро тармоқларидан бири бўлиб, Хитойнинг Шанхай шаҳрида жойлашган. Олийгоҳ Нью-Йорк университетининг академик дастурларини тақдим этади. Шунингдек, талабалар учун глобал миқёсда таълим олиш имкониятларини беради.
