Сирдарё вилоятидаги боғчалардан бирида тарбиячи ёрдамчиси сифатида амалиёт ўтаётган қиз болаларни игна билан жазолагани айтилмоқда.
Ҳодиса жорий йилнинг 10 февраль куни содир бўлган бўлиб, болалардан бирининг онаси жароҳат изини кўриб қолган. Боланинг таъкидлашича, ота-онасига айтса унга яна игна тиқишини айтиб қўрқитган.
Масъул ходимлар масалани назоратга олиб, амалиётчининг техникумда ўқиши аниқлаган.
Суд-тиббий экспертлари болаларда енгил тан жароҳатлари борлигини тасдиқлаган. Натижада, амалиётчига 375 000 сўм миқдорида жарима солинган.
