Хабарингиз бор, бухоролик Парвиз Тухсанов SАТ халқаро имтиҳонида энг максимал натижа — 1600 балл тўплаган биринчи ўзбекистонлик бўлган эди.
Жорий йилнинг 14 февраль куни Шавкат Мирзиёев бўлиб ўтган ёшлар билан учрашувда Парвизни ушбу муваффақият билан табриклади.
— Ота-онангга, мураббийларингга раҳмат. Қандай бахтли онасиз, фарзандни шундай вояга етказганингиз учун сиздан миннатдорман. Бухорони Бухоройи шариф дейди. Шарифликка муносиб фарзанд катта қилибсиз. Мен сиздан жуда миннатдорман.
Парвизнинг онаси ота-оналарга мурожаат билан чиқиб, шундай деди:
«Азиз ота-оналар, илтимос. Агар биз ортиқча харажатларни тўй-дабдабаларга сарфламасдан, маблағларимизни ўзимизнинг фарзандларимизга инвестиция қилсак, бу албатта яқин келажакда ўз натижасини кўрсатади. Буни ўғлим мисолида сизларга тавсия қиламан».
