Билим ва малакаларни баҳолаш агентлиги томонидан маълум қилинишича, 2024-2025 ўқув йили учун абитуриентлар энг кўп ҳужжат топширган йўналишлар статистикаси қуйидагича бўлган:
1. Тошкент давлат юридик университети энг кўп абитуриент ҳужжат топширган ОТМлардан бири бўлган. «Юриспруденция» йўналиши бўйича 8819 нафар абитуриент ҳужжат топширган.
2. Тошкент давлат иқтисодиёт университетининг «Иқтисодиёт» йўналиши бўйича 6639 абитуриент ҳужжат топширган. Шунингдек, «Банк иши» (2998) ва «Молия ва молиявий технологиялар» (2466), «Бухгалтерия ҳисоби» (2671) йўналишлари ҳам абитуриентлар энг кўп қизиқиш билдирган йўналишлардан бири бўлган.
3. Тошкент тиббиёт академиясининг «Даволаш иши» йўналиши бўйича 4669 абитуриент ҳужжат топширган. Шунингдек, Андижон давлат тиббиёт институти (3664) ва Самарқанд давлат тиббиёт институти (2683) ҳам кўплаб абитуриентларни жалб қилган.
4. Ўзбекистон давлат жаҳон тиллари университети ҳам энг кўп абитуриент ҳужжат топширган олийгоҳлардан бири бўлган. «Хорижий тил ва адабиёт: инглиз тили» (4177) ва «Филология ва тилларни ўқитиш: инглиз тили» (3185) йўналишлари абитуриентлар орасида талаб кучли йўналишлардан бири бўлган.
5. Андижон давлат педагогика институти ва Самарқанд давлат педагогика институти каби ОТМларда «Мактабгача таълим» (2767) ва «Бошланғич таълим» (2540) каби йўналишларга ҳам абитуриентлар бошқаларига нисбатан кўпроқ қизиқиш билдирган.
6. «Стоматология» (2580) каби техник ва тиббий йўналишларига ҳам 2024-2025 0ъқув йили учун қабулида энг кўп абитуриент биринчи йўналиш сифатида танлаган.
Эслатма! Ушбу статистика 2024-2025 0ъқув йили учун қабулда 5 та таълим йўналишидан айнан биринчи йўналишга оид маълумотлар асосида тайёрланган.
