Бу ҳолатда “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низомнинг (рўйхат рақами 3271) 15 ва 16-бандлари дарс тақсимотига нисбатан қўлланилади.
Низомнинг 15-бандига чет тили ва STEAM фанларидан мутахассислиги бўйича халқаро сертификатларга эга ўқитувчилар (ТЕСОЛ Level 5, CEFR B2, IELTS 6 ва ундан юқори, шунингдек, Ўзбекистон Республикаси Мактабгача ва мактаб таълими вазирлиги томонидан белгиланадиган бошқа сертификатлар) 3-поғонада қайд этилган.
Эътибор берган бўлсангиз, қоидада STEAM фанлар бўйича Ўзбекистон Республикаси Мактабгача ва мактаб таълими вазирлиги томонидан белгиланадиган бошқа сертификатлар келтирилган. Мазкур низом 16-бандига кўра дарс тақсимотида устувор кетма-кетлик инобатга олинади.
Демак, миллий ёки халқаро сертификатга эга ўқитувчилар тоифаси бор ўқитувчилардан ҳам кўпроқ дарс олишга ҳақли.
