Юқори кўрсаткичга эришган ўқувчиларни рағбатлантириш мақсадида, Ўзбекистон умумтаълим муассасалари битирувчилари учун қизил шаҳодатнома ҳамда олтин ва кумуш медаллар топшириш амалиёти йўлга қўйилган.
Ушбу мукофотлар таълимдаги юксак натижалари ва намунали хулқ-атвори билан ажралиб турган битирувчиларга тантанали равишда тақдим этилади.
9-синф битирувчилари учун қизил шаҳодатнома бериш шартлари:
- 7-синфда мусиқа ва тасвирий санъат фанларидан, 8-9-синфларда эса барча фанлардан чораклик, йиллик ҳамда якуний давлат аттестацияси баҳоларининг аъло бўлиши;
- Намунали хулқ-атворга эга бўлиши.
11-синф битирувчилари учун олтин ва кумуш медаллар топшириш шартлари:
Олтин медаль қуйидаги талабларга жавоб берган битирувчиларга берилади:
- 9-синфни қизил шаҳодатнома билан тамомлаган бўлиши;
- 10-11-синфларда барча фанлардан чораклик, йиллик ва якуний назорат баҳоларининг аъло бўлиши;
- Намунали хулқ-атвор ва жамоат ишларида фаол иштирок.
Кумуш медаль қуйидаги талабларга мос битирувчиларга топширилади:
- 9-синфни қизил шаҳодатнома билан тамомлаган бўлиши;
- 10-11-синфларда барча фанлардан йиллик баҳоларининг аъло бўлиши;
- Намунали хулқ-атвор ва жамоат ишларида фаол иштирок.
