Вазирлар Маҳкамасининг 16.01.2025 йилдаги «Олий таълим тизимида дуал таълимни ташкил этиш чора тадбирлари тўғрисида»ги №14 қарорига кўра, 2025/2026-ўқув йилидан бошлаб олий таълим тизимида дуал таълим жорий этилади.
Унга кўра, 2025/2026-ўқув йилидан бошлаб:
– олий таълим тизимида босқичма-босқич дуал таълим асосида ўқитиш йўлга қўйилиб, «Касб эгаси» дуал таълим тизимини ташкил этилади;
– «Касб эгаси» дуал таълим тизими биринчи босқичда Тошкент тўқимачилик ва енгил саноат институтининг 3 ва 4-курс талабалари учун жорий қилинади;
– талабаларнинг амалий машғулотлари корхоналар билан ҳамкорликда ўтказилиб, ушбу жараён олий таълим ташкилоти ҳамда амалиёт раҳбари томонидан мувофиқлаштирилади;
– дуал таълим асосида талабаларнинг корхоналарда фаолият юритган даври учун иш ҳақининг 2 миллион сўмгача бўлган қисми Бандликка кўмаклашиш давлат жамғармаси маблағлари ҳисобидан қоплаб берилади.
