Ўқитувчиларга «Ўзавтосаноат» АЖнинг машиналари 5 йилга бўлиб тўлашга берилиши мумкин

10:45 / 11.01.2025

1,610

Ўқитувчиларга «Ўзавтосаноат» АЖнинг машиналари 5 йилга бўлиб тўлашга берилиши мумкин

Мактабгача ва мактаб таълими вазирлиги тизимидаги педагог ва ходимлар «Муаллим эъзозда» акцияси доирасида «Чевролет» автомобилларини (Оних, Tracker, Малибу, Эқуинох, Captiva 5Т) тижорат банклари орқали бошланғич бадали 30 фоиздан ошмаган ҳолда имтиёзли равишда 60 ойлик муддатли тўлов асосида харид қилишлари мумкин бўлади.

Бу ҳақда Мактабгача ва мактаб таълими вазири Ҳилола Умарованинг таклифига биноан Ўзбекистон Республикаси Бош вазирининг кўрсатмаси берилди.

Унга кўра, «Ўзавтосаноат» акция доирасида педагог ходимларнинг Оних, Tracker, Малибу, Эқуинох, Captiva 5Т тижорат банклари орқали бошланғич бадали 30 фоиздан ошмаган ҳолда, имтиёзли равишда 60 ойлик муддатли тўлов асосида харид қилиш чоралари кўрилади.

Мактабгача ва мактаб таълими вазирлиги эса тизимда самарали фаолият кўрсатаётган, автомобилга эҳтиёжи мавжуд ходимларни акция юзасидан хабардор қилади.

Машина сотиб олиш учун олдиндан қанча тўлов қилиш керак?

Педагог ходимлар акция доирасида назарда тутилган автомобиллардан бирини харид қилиш учун унинг 30 фоиз тўловини олдиндан амалга ошириши лозим бўлади.

Демак, акциядаги автомобиллар учун қуйидаги миқдорда олдиндан тўлов амалга оширилади:

Оних — 47 млн 370 минг сўм (157 900 000 сўм нархи)

Tracker — 62 млн 685 минг 408 сўм (208 951 360 сўм нархи)

Captiva 5Т — 91 млн 470 минг сўм (304 900 000 сўм нархи)

Эқуинох — 124 млн 800 минг сўм (416 000 000 сўм нархи)

Малибу — 125 млн 700 минг 288 сўм (419 000 960 сўм нархи)

Педагог ходимлар ушбу бошланғич тўловларни амалга ошириб бўлгач, қолган 70 фоиз тўловларни имтиёзли равишда 5 йил давомида қисмларга бўлиб тўлаб боришади.

1,610