10 декабрь куни ҚС агентлигининг Барқарор ривожланиш мақсадларига эришиш соҳасидаги энг яхши университетлар рейтинги бўлмиш «ҚС Сустаинабилитй Ранкингс 2025»ни эълон қилди.
Дунёнинг икки мингга яқин университетларини қамраб олган мазкур рейтингдан Ўзбекистоннинг еттита университети ҳам жой олган.
Булар:
-«Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети — 828-ўрин;
– Мирзо Улуғбек номидаги Ўзбекистон Миллий университети — 931–940-ўринлар;
– Тошкент давлат иқтисодиёт университети — 1161–1180 ўринлар;
– Тошкент давлат техника университети — 1251–1300-ўринлар;
– Тошкент давлат транспорт университети — 1401–1450-ўринлар;
– Тошкент ахборот технологиялари университети — 1501+ -ўринлар;
– Урганч давлат университети — 1501+ -ўринлар.
Таъкидлаш лозим, «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети рейтингда иштирок этаётган Ўзбекистон ОТМлари орасида методологиянинг бешта кўрсаткичи бўйича энг юқори натижаларни кўрсатмоқда:
– «Билим алмашиш»;
-«Битирувчиларнинг иш билан таъминланиши»;
-«Соғлиқ ва фаровонлик»;
– «Атроф-муҳит муҳофазаси бўйича таълим»;
-«Атроф-муҳит муҳофазаси бўйича тадқиқотлар».
«Атроф-муҳит муҳофазаси соҳасида барқарор ривожланиш» кўрсаткичи бўйича эса Ўзбекистон олий таълим муассасалари энг кучли натижаларга эришмоқда.
Жумладан, юқорида саналган 7 та олийгоҳнинг 4 таси ушбу кўрсаткич доирасида дунёнинг энг яхши 500 та ОТМлари рўйхатига кирган бўлса, 2 таси энг яхши 300 таликдан жой олган(Мирзо Улуғбек номидаги Ўзбекистон Миллий университети — 279-ўрин, Тошкент давлат транспорт университети — 295-ўрин).
Худди шундай натижа «Бошқарув модели» кўрсаткичи бўйича ҳам кузатилмоқда. Бу кўрсаткич ахлоқий меъёрларга риоя қилиш, номзодларни излаш ва ходимларни ишга қабул қилишда илғор тажрибалардан фойдаланиш, қарорлар қабул қилиш тамойилларининг шаффофлиги каби самарали бошқарув билан боғлиқ омилларни ҳисобга олади. Ушбу кўрсаткич бўйича Ўзбекистоннинг бешта олий таълим муассасаси дунёнинг энг яхши 500 та олий таълим муассасаси қаторига кирган. Улар орасида энг юқори ўринни Тошкент давлат транспорт университети эгаллаган бўлиб, рейтингнинг 400-ўрнида жойлашган.
