8 ноябрь куни Абу Али ибн Сино номидаги ихтисослаштирилган мактабда халқаро фан олимпиадалари ғолиб ва совриндорларини тақдирлаш маросими бўлиб ўтди.
Тадбирда совриндорлар орасидан энг нуфузга эга, кўпгина дунё мамлакатлари ва халқаро даражадаги олий таълим муассасалари тан оладиган халқаро олимпиадаларда қўлга киритилган 91 та (11 та олтин, 24 та кумуш ва 56 та бронза) медаль эгалари ва уларнинг устозлари турли даражадаги пул мукофотлари билан тақдирланди.
16 ёш Далер Раҳимов 56-Халқаро кимё олимпиадасида олтин медални қўлга киритган ва у билими орқали 200 миллион сўмдан ортиқ маблағни қўлга киритди.
Шунингдек, жорий йилда нуфузли халқаро олимпиадаларда ғолиб бўлган ўқувчилар, хусусан:
– 56-Халқаро Кимё олимпиадаси олтин медали соҳиби, Тошкент шаҳридаги Абу Али ибн Сино номидаги ихтисослаштирилган мактабнинг 10-синф ўқувчиси Далер Раҳимов — 187,5 млн. сўм билан;
65-Халқаро Математика олимпиадаси кумуш медаль соҳиблари:
– Тошкент шаҳридаги Ал-Хоразмий номидаги ихтисослаштирилган мактабнинг 9-синф ўқувчиси Элбек Зоҳиджонов, Қарши шаҳридаги 1-сон ихтисослаштирилган мактабнинг 9-синф ўқувчиси Тўлқин Жайлововларнинг ҳар бири — 112,5 млн. сўм билан;
56-Халқаро Кимё олимпиадаси кумуш медаль соҳиблари:
– Тошкент шаҳридаги Абу Али ибн Сино номидаги ихтисослаштирилган мактабнинг 11-синф ўқувчиси Ахрорбек Баходиров, Навоий шаҳридаги 11-сон айрим фанлар чуқур ўргатиладиган ихтисослаштирилган мактабнинг 11-синф ўқувчиси Саида Абдуллаеваларнинг ҳар бири — 112,5 млн. сўм билан;
65-Халқаро Математика олимпиадаси бронза медали соҳиблари:
– Қашқадарё вилояти, Китоб туманидаги 96-сонли мактабнинг 11-синф ўқувчиси Мадина Суюнова, Тошкент шаҳридаги Ал-Хоразмий номидаги ихтисослаштирилган мактабнинг 10-синф ўқувчиси Озодбек Ахтамов ҳамда шу мактабнинг 9-синф ўқувчиси Расулбек Ғаффоровларнинг ҳар бири — 75 млн. сўм билан;
– 54-Халқаро Физика олимпиадаси бронза медали соҳиби, Қорақалпоғистон Республикаси, Нукус шаҳридаги Президент мактаби 10-синф ўқувчиси Жавоҳир Садуллаев — 75 млн. сўм билан;
– 56-Халқаро Кимё олимпиадаси бронза медали соҳиби, Тошкент шаҳридаги Абу Али ибн Сино номидаги ихтисослаштирилган мактабнинг 10-синф ўқувчиси Миржахон Мухаммадов — 75 млн. сўм билан;
– 36-Халқаро Информатика олимпиадаси бронза медали соҳиби, Навоий шаҳридаги 1-сон ихтисослаштирилган мактаб ўқувчиси Мардонбек Ҳазратов — 75 млн. сўм билан тақдирланди.
– Халқаро Немис тили олимпиадасида олтин медални қўлга киритган Андижон шаҳридаги 4-мактаб 10 синф ўқувчиси Райёна Иброҳимова — 56 миллион 250 минг сўм билан ва унинг устози Муқаддасхон Қосимова — 18 миллион 750 минг сўм билан;
– Халқаро Иқтисод олимпиадасида бронза медалини қўлга киритган Қарши шаҳридаги 10-мактаб ўқувчиси Жасурбек Ризоқулов 18 миллион 750 минг — сўм билан ва унинг устози Ўктам Хўжақулов — 11 миллион 250 минг сўм билан тақдирланди.
