Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисидаги низомнинг 9-бандига кўра, қуйидаги педагог кадрларининг малака тоифаси (лавозими) бир поғонага оширилади:
- Ўзбекистон Республикасининг давлат мукофотлари билан тақдирланган педагог кадрлар;
- «Устоз» миллий мукофоти ғолиблари;
- Worldskills мусобақалари совриндорларини тайёрлаган таълим ташкилотларининг педагог кадрлари;
- республика миқёсидаги фан олимпиадалари ва кўрик-танловларда ғолибликни қўлга киритган ўқувчиларни тайёрлаган педагог кадрлар.
Эслатма: Педагог кадрларнинг малака тоифасини (лавозимини) бир поғонага оширишда мазкур Низом кучга киргандан кейинги эришилган натижалар инобатга олинади.
