15 октябрь соат 10:00 да «Очиқ буджет» порталида «Менинг боғчам» лойиҳасида овоз бериш бериш жараёни бошланди.
Иқтисодиёт ва молия вазирлигининг маълум қилишича, 2025 йилги давлат инвестиция дастури асосида янги қуриладиган ва реконструкция қилинадиган боғчаларнинг 50 фоизи овоз бериш орқали жамоатчилик томонидан танланади.
Ҳозирда Мактабгача ва мактаб таълими вазирлиги белгилаган рўйхат асосида республика бўйича 451 та боғча овозга қўйилган. Ажратилган буджет – 397,6 млрд сўм.
Овоз бериш жараёни 25 октябрь 10:00 гача давом этади. Худди «Ташаббусли буджет» каби, «Менинг боғчам»да ҳам «бир фуқаро – бир овоз» тамойилига амал қилинади.
Лойиҳаларга уч хил йўл билан овоз бериш мумкин:
– openbudget.uz порталининг веб-сайти орқали;
– порталнинг мобил иловаси орқали (Андроид, iOS);
– Telegramʼдаги расмий бот орқали.
