Самарқанд вилояти ҳудудий Қурилиш ва уй жой коммунал хўжалиги соҳасида назорат қилиш инспекцияси ходимлари томонидан ўтказилган назорат тадбирлари давомида Қорасув массивида «Меъмор комплекс» МЧЖ томонидан қурилаётган мактаб биносида бир қатор қоидабузарликлар аниқланган.
Маълумотларга кўра, 1800 ўринга мўлжалланган ушбу мактаб биноси қурилиши давомида бир қатор қоидабузарликларга йўл қўйилган. Объект бўйича қурилиши ишларини ташкил қилиш лойиҳаси ишлаб чиқилмаганлиги сабабли, қурилиш ҳудудига олиб келинган қурилиш материаллари тартибсиз ҳолатда сақланган. Шунингдек, объектда юритилиши керак бўлган ижро журналлари тегишли тартибда юритилмаётганлиги, фойдаланилаётган қурилиш материалларининг ишлаб чиқариш сертификатларининг йўқлиги аниқланган.
Хусусан, назорат тадбирлари давомида айрим сифатсиз ишлар аниқланиб, демонтаж қилдирилган.
