Экстернат тартибида якуний давлат аттестациясида иштирок этиш учун аризалар жорий йилнинг 1 февралидан қабул қилинади.
Вазирлар Маҳкамасининг тегишли қарори билан тасдиқланган Регламентга мувофиқ, экстернат тартибида якуний давлат аттестациясида иштирок этиш учун аризалар:
- жорий йилнинг 1 февралидан 1 апрелига қадар (шу куни ҳам) Ягона интерактив давлат хизматлари портали орқали қабул қилинади.
9-синф учун — тегишли йилда 17 ёшга тўладиган;
11-синф учун — 19 ёшга тўладиган ва ундан катта ёшдаги мажбурий умумий ўрта таълимга жалб қилинмаган фуқаролар ариза беришлари мумкин.
Ариза бериш учун мактаб ёки вазирликнинг ҳудудий бўлинмаларига бориш шарт эмас.
Мазкур давлат хизмати бепул амалга оширилади.
Бу муҳим! Фуқаролар ҳозирда доимий (ёки вақтинчалик) яшаётган ҳудуддаги экстернат мактабга онлайн ариза юборишлари мумкин.
