«Келажак учун хорижий тил» лойиҳаси мутахассислари тил ўрганишда кўпчилик йўл қўядиган энг катта 5 та хато ҳақида муҳим маълумотларни берди. Жумладан:
1. Фақат китоб билан ўрганиш
Кўпчилик граммар ўқийди ва сўз ёдлайди. Лекин гапиришга келганда қийналади. Сабаби тил фақат ўқиш билан шаклланмайди. Листенинг талаффузни, спеакинг эса билимни мустаҳкамлайди. Китоб қоидани беради, аудио товушни, гапириш эса аниқ кўникмани ҳосил қилади.
2. Хато қилишдан қўрқиб гапирмаслик
Кўп одамлар нотўғри гапириб қўйишдан чўчийди. Натижада умуман гапирмайди. Гапирмаган одам хато ҳам қилмайди, лекин ривожланиш ҳам бўлмайди. Ҳар бир хато қаерда кучсиз эканингизни кўрсатади. Яхши натижалар фақат гапириш орқали пайдо бўлади.
3. Номунтазам машқ қилиш
Бир кун кўп ўрганиб, кейин бир неча кун тўхтаб қолиш кенг тарқалган ҳолат. Бу усул билан тил хотирада сақланмайди. Ҳар куни қисқа машқ қилиш самаралироқ. 15–20 дақиқа етарли. Мунтазамлик тилни одатга айлантиради ва унутишни камайтиради.
4. Сўзларни алоҳида ёдлаш
Сўзни фақат таржимаси билан билиш етмайди. Гап тузишда у эсга тушмайди. Сўзни центенcэ ичида ўрганиш керак. Қайси вазиятда, қайси сўз билан ишлатилишини кўрасиз. Шунда спеакинг пайтида сўз тезроқ чиқади.
5. Натижани тез кутиш
Кўпчилик қисқа вақтда эркин гапиришни хоҳлайди. Бу бўлмагач, ўрганишни ташлайди. Ҳар ҳафта кичик ўсиш катта натижага олиб келади. Бугун тушунганингиз кеча билмаган нарсангиз бўлса, сиз олдинга юряпсиз.
