Аввалроқ, «Йил ўқитувчиси» танловининг 1-босқичи натижалари белгиланган мезонлар асосида кўриб чиқилди ва иштирокчиларнинг кейинги босқичга тавсия этилган ёки тавсия этилмаганлиги статуси pedagog.uzedu.uz платформасида эълон қилинганлиги ҳақида хабар берган эдик.
Хабарингиз бор, «Йил ўқитувчиси» танловининг биринчи босқичи ўтган йилнинг август декабрь ойларида ташкил этилган малака синовлари билан интеграция қилинган ҳолда ўтказилди.
Айни вақтда иштирокчи педагоглар pedagog.uzedu.uz платформасидаги ўз шахсий кабинетлари орқали танловнинг биринчи босқич натижалари (эгалланган балл ва ўрин) билан танишишлари мумкин.
Маълумот учун: танловнинг биринчи босқич натижаларига кўра, ҳар бир туман (шаҳар)дан баллар кетма-кетлигига қатъи риоя этган ҳолда энг юқори балл тўплаган 3 нафардан номзод танловнинг иккинчи босқичига ўтказилади.
Шунингдек, ўз натижаларидан норози бўлган номзодлар ушбу натижалар эълон қилинган кундан бошлаб уч иш куни ичида pedagog.uzedu.uz платформасидаги ўз шахсий кабинетлари орқали электрон шаклда ариза (шикоят) беришлари мумкин.
Ариза (шикоят) Низом га мувофиқ рўйхатга олинган кундан бошлаб 15 иш кунида кўриб чиқилади.
