2025/2026-ўқув йили учун Ўзбекистон Республикаси Президенти ва номли давлат стипендияларининг республика босқичи танловлари жорий йилнинг 22-29 январь кунлари ўтказилади.
2025/2026-ўқув йили учун Ўзбекистон Республикаси Президенти ва номли давлат стипендияларига талабгорларнинг ҳужжатлари 2025 йилнинг 1 ноябридан 15 ноябрига қадар (шу куни ҳам) вазирликнинг my.edu.uz электрон платформаси орқали қабул қилинган.
Дастлабки экспертиза жараёнида 98 та олий таълим ташкилотидан ҳужжат топширган 700 нафардан ортиқ талабгорларнинг ҳужжатларида турли камчиликлар аниқланган бўлиб, ҳозирги кунда мазкур камчиликларни бартараф этиш бўйича ишчи гуруҳ томонидан тегишли ишлар олиб борилмоқда.
Юқоридагиларни инобатга олиб, Президент ва номли давлат стипендияларининг республика босқичи танловлари 2026 йилнинг 22-29 январь кунлари ўтказилиши режалаштирилганлиги маълум қилинди.
