«Миллий тикланиш» партияси раҳбари Алишер Қодиров ўз ижтимоий саҳифасида Президентнинг Хавфсизлик кенгаши мажлисидаги маърузасига ўз муносабатини билдирди.
Унга кўра, мактаблардаги чақирувга тайёрлаш фани мазмунини тубдан қайта кўриб чиқиш ва мактабни тугатган болаларни (олийгоҳга кирганлар ва соғлик билан муаммоси бўлганлар мустасно) 1-1,5 йиллик ҳарбий хизматга жалб қилиш тизимини яратиш таклифини айтган.
Бу таклифни биринчи марта билдириши эмас.
Аввалроқ, Алишер Қодиров Олий Мажлиси Қонунчилик палатасининг навбатдаги мажлисида мактабгача ва бошланғич таълимни ҳар бир бола ўз она тилида олиши кераклигини таъкидлаган эди.
Шунингдек, унинг таълим-тарбия бериш жараёнида болага нисбатан зўравонлик ҳолатлари содир этилгани учун педагогни бир йил давомида педагогик фаолиятдан четлатишга мутлақ қаршилик билдиргани, шундан сўнг лойиҳа нормаларини қайта кўриб чиқилгани ҳақида хабар берган эдик.
