Миллий сертификат имтиҳонлари учун рухсатномалар эълон қилинди.
Биология, тарих ва физика фанларидан миллий сертификат имтиҳонлари 2026 йил 17–18–19 январь кунлари ўтказилади.
Тест синовларида иштирок этувчи талабгорлар руҳсатномани my.gov.uz веб-сайтидаги «Менинг аризаларим» бўлими орқали юклаб олишлари мумкин.
Рухсатномада тест синови ўтказиладиган сана, вақт ва манзил кўрсатилган. Талабгорлардан белгиланган вақтда етиб келиш сўралади.
Тест синови ўтказиладиган биноларга кириш:
– 1-смена: 07:00– 08:30;
– 2-смена: 13:00 – 14:30.
Талабгорлар тест синови ўтказиладиган биноларга шахсини тасдиқловчи ҳужжат (паспорт ёки ИД-карта) асосида киритилади.
Белгиланган вақтдан кеч келган талабгорлар тест синовига киритилмайди. Қўшимча имтиҳон ўтказилмайди.
