Давлат меҳнат инспекцияси байрам кунлари навбатчиликка жалб қилинган ходимларга 2 ҳисса ойлик тўлаш бўйича топшириқ берди.
Аввал хабар қилинганидек, Фарғона вилояти Бувайда туманидаги 37-умумтаълим мактаби ўқитувчиларини туну кун навбатчиликка жалб этилганлик ҳолати Давлат меҳнат инспекцияси томонидан белгиланган тартибда атрофлича ўрганиб чиқилди.
Ўрганиш натижаларига кўра, навбатчиликка жалб қилинган ходимларга меҳнат қонунчилигига мувофиқ икки ҳисса миқдорида иш ҳақи тўлаб бериш бўйича иш берувчига ёзма кўрсатма киритилди.
Шунингдек, меҳнат қонунчилиги талабларини бузган мактаб директорига нисбатан МЖтКнинг 49-моддасига асосан жавобгарлик чораси кўрилди.
Меҳнат қонунчилигини бузилишини шунингдек, уларнинг келиб чиқишига сабаб бўладиган шарт-шароитларни бартараф этиш тўғрисида юқори турувчи ташкилотга тақдимнома киритилди.
