Вазирлар Маҳкамасининг 2023 йил 25 декабрдаги 681-сон қарорига илова «Давлат умумий ўрта таълим муассасалари директори лавозимига номзодларни менежерлик ўқув курсларида ўқитиш ва уларга менежерлик сертификатини бериш тартиби тўғрисида»ги низомнинг 38-бандига мувофиқ белгиланган баллни тўплай олмаган номзодлар бир йил ичида навбатдаги битта якуний синовда иштирок этиш ҳуқуқига эга.
Биринчи марта якуний синовдан ўта олмаган директорлар икки ой ичида бир марта якуний синовда иштирок этиши мумкин. Ушбу муддат ичида якуний синовда иштирок этмаган ёки иккинчи якуний синовда ҳам белгиланган баллни тўплай олмаган директорлар белгиланган тартибда лавозимидан озод этилади.
Аввалроқ, «Менежерлик сертификати йўқлиги сабабли мактаб директори ўз ўринбосарлари билан тузилган меҳнат шартномасини бекор қилишга ҳақлими?» деган саволга жавоб берган эдик.
