Жорий йилда Ўзбекистон олий таълим муассасаларининг бакалавриат босқичида 1666297 нафар талаба рўйхатга олинган. Статистик маълумотларга кўра, талабаларнинг 53,35 фоизи аёллар, 46,65 фоизи эркаклардир.
Ёш таркибида қарийб 1,42 миллион талаба 30 ёшгача, 249,6 минг нафари эса 30 ёшдан катта.
Улардан тўлов тури бўйича 157 мингдан ортиғи давлат гранти асосида, 1,5 миллиондан зиёди эса тўлов-контракт асосида таълим олмоқда.
Курслар кесимида энг катта улушни биринчи курс талабаларида кўриш мумкин — уларнинг сони 426,7 минг нафарни ташкил этади. Иккинчи курсда 369,9 минг, учинчи курсда 370,1 минг, тўртинчи курсда 359,9 минг талаба бор. Бешинчи курсда 131,3 минг, олтинчи курсда эса 8,2 минг нафар талаба таҳсил олмоқда.
Фуқаролик бўйича талабаларнинг аксарияти — 1,64 миллион нафари — Ўзбекистон фуқароларидир. Шунингдек, ОТМларда 21 210 нафар хорижий ва фуқаролиги йўқ 140 нафар талаба ҳам ўқийди.
Маълумотларга асосан, таълим шакллари орасида кундузги йўналиш энг катта кўрсаткичга эга бўлиб, унда 919 952 нафар талаба таҳсил олади. Сиртқи таълимда 657 042, кечки таълимда 70 162, масофавий шаклда 55 034, махсус сиртқи бўлимларда эса 23 319 талаба мавжуд. Иккинчи олий таълимнинг барча шаклларида жами 25 мингдан ортиқ талаба рўйхатга олинган.
Талабаларнинг яшаш шароитлари турлича. Улардан:
Маълумотлар реал вақт режимида HEMIS ахборот тизимидан олинмоқда.
