Андижон вилояти Андижон туманидаги 44-мактабнинг 10-синф ўқувчиси Тоҳирова Оминахон IELTS’дан C1 (8 балл) ва SAT’дан 1310 баллик натижани қўлга киритди.
Оминахоннинг IELTS имтиҳонидаги натижаси қуйидагича:
Reading: 9
Listening: 8,5
Speaking: 7
Writing: 7
SAT’дан эса қуйидагича натижани қайд этган:
Math: 700
Reading and writing: 610
44-мактаб директорининг фикрига кўра, Тоҳирова Оминахон тиришқоқ ва ўз устида ишлашдан чарчамаслиги билан бошқа ўқувчилардан ажралиб туради. У ҳар доим илм олишга, янги нарсаларни ўрганишга ҳаракат қилади.
Директорнинг маълумот беришича, ушбу мактабда бир нечта умумтаълим фанларидан миллий сертификатга эга бўлган ўқувчилар ҳам кўпчиликни ташкил этади.
Шунингдек, ушбу мактаб Президент соврини учун «Хорижий тилларни ўқитиш бўйича энг яхши мактаб» танловида иштирок этиб, туман босқичида 1-ўринни эгаллаб, 100 миллион сўм пул мукофотига эга бўлган.
