Москвалик талаба Telegramдаги ноқонуний стикер сабаб 15 суткага ҳибсга олинди. Суд жараёнида талаба аккаунти бузиб кирилганини айтган.
Қайд этилишича, яқинда Таганский туман суди Губкин номидаги Россия нефть ва газ университети талабаси, 19 ёшли К.К. билан боғлиқ ишни кўриб чиққан.
Суд маълумотларига кўра, у Telegram да экстремистик гуруҳлардан бирининг байроғи тасвирланган стикерни жойлаган. Шу орқали Россия қонунчилигига асосан, «экстремистик ташкилот рамзини оммавий намойиш қилган».
Лекин талаба айбини тан олмаган ва саҳифаси бузиб кирилганини тушунтирган. У киришни тиклаганида «ўша пайтда маъносини билмаган бир белги ўрнатилган»ини кўрганини айтган. Бироқ уни олиб ташлашга уринмаган.
Суд уни 15 сутка маъмурий қамоқ билан жазолаган.
