Scientific American нашрининг хабарига кўра, 80 мингдан ортиқ иштирокчи иштирок этган янги тадқиқот шуни кўрсатдики, бир нечта тилни билиш миянинг қаришини секинлаштириши ва когнитив қобилиятларнинг пасайишидан ҳимоя қилиши мумкин.
Тадқиқотда фақат битта тилда гапирувчиларга қараганда, кўп тилда сўзлашувчиларда қариш жараёни икки баравар секинроқ рўй бериши аниқланган. Бу натижалар Nature Aging журналида чоп этилган.
Тадқиқотда 51 ёшдан 90 ёшгача бўлган 86 минг соғлом киши иштирок этган бўлиб, улар Европанинг 27 мамлакатидан танлаб олинган.
Тадқиқотчилар биохулқ‑атвор ёшининг фарқини ўрганиш орқали, фақат битта тилда гапирувчилар ўртасида қаришнинг тезлашиши эҳтимолининг икки ёки ундан ортиқ тилда сўзлашувчиларга қараганда юқори эканлигини аниқладилар. Тиллар сони ошгани сари бу фарқ кучайиб боради.
Ушбу тадқиқот кўп тиллиликнинг соғлом қариш ва миянинг узоқ муддатли соғлиғини сақлашдаги аҳамиятини янада мустаҳкамлади. Тадқиқотчилар ўз хулосаларининг таълим сиёсатига таъсир қилишини ва тил ўрганишни рағбатлантиришини кутишмоқда.
