18 ёшли Зак Ядегари технология дунёсида янги эмас. У ёшлигидан илова яратиш орқали пул топган.
Ўсмирлик даврида кичик лойиҳалар сифатида бошлаган ишлари бугун йирик бизнесга айланган. У яратган Cаl АI иловаси фойдаланувчиларга овқат суратини тушириш орқали калорияни ҳисоблаш имконини берган. Бу ғоя Ядегарийнинг шахсий фитнесс тажрибасидан келиб чиққан. Ҳозирда лойиҳа йилига 30 млн АҚШ доллари миқдорида даромад келтирмоқда.
Фитнессдан иловагача
Зак Ядегари ёшлигидан озғин бўлиб, вазн орттиришни хоҳлаган. У диэтанинг катта ролини тушуниб, калорияларни кузата бошлаган. Аммо бор иловалар унга қулай бўлмаган. Унда дўстлари билан овқатланиш ёки ресторанга бориш имконияти чекланган эди.
«Бу мактаб ўқувчиси учун умуман барқарор эмас эди», — дейди у.
Шу сабаб, кодлаш кўникмаларидан фойдаланиб, ўз иловасини яратишга қарор қилган. 2024 йил май ойида у Генри Лангмак, Блейк Андерсон ва Жейк Кастилло билан бирга Cаl АI ни ишга туширган. TikTokʼда реклама қилиш ва инфлуэнcэрлар билан ҳамкорлик тезкор ўсишга олиб келган. Бугун жамоада 30 дан ортиқ ходим бор.
Дастурчиликка илк қадамлар
Зак Ядегари 7 ёшида код ёзишни ўрганган, 10 ёшида эса соатига $30 эвазига дарс бера бошлаган. 12 ёшида илк иловаси — Speed Soccer ни Аpp Store да чиқарган. Кейин эса Totally Science номли ўйин сайти орқали катта даромад топган: сайт 5 миллион фойдаланувчига етиб, ойига $60 минг реклама даромад келтирган.
Уни 16 ёшида $100 минг долларга сотиб, кейин иловалар яратишга жиддий киришган.
Коллеж ва янги ғоялар
У коллежга боришни шарт деб билмаган, аммо барибир ўқишга қарор қилган. Ҳозир мутахассислигини танламаган, фалсафа дарсларига қатнашади. Тадбиркорлик курсини ҳам олган, бироқ «ундан кўп нарса олмаяпман», дейди у.
«Мен ҳеч қачон коллеж тарафдори бўлмаганман. Ҳар ким бир хил йўлни босиши керак деган фикрдан нафратланардим», — дейди Зак.
Ҳозир у Маямида тенгдош тадбиркор дўстлари билан яшайди. Улар биргаликда «Аpp Маfiа» бренди остида ҳамжамият яратиб, интернетда илова яратишни ўргатувчи контент ишлаб чиқмоқда.
«Биз Gen Z яратувчиларининг олд қаторида бўлишни ва келажакни шакллантиришда фаол иштирок этишни мақсад қилганмиз», — таъкидлайди у.
