Россия Рақамли ривожланиш вазирлиги (Минцифры) 14 ёшгача бўлган болалар учун алоҳида SIМ-карталарни жорий этишни ва операторлар ота-оналар сўрови асосида бундай хизмат пакетларини тақдим этишини таклиф қилди.
Рақамли ривожланиш вазирлиги раҳбари Максут Шадаевнинг маълум қилишича, ушбу SIМ-карталар 14 ёшгача бўлган болаларнинг ота-оналарига сотилади. Яъни SIМ-карталар ота-оналар томонидан фарзандлари номига расмийлаштирилади ва уларда хавфсизлик чекловлари аввалдан ўрнатилган бўлади. Агар у орқали, масалан, ижтимоий тармоққа киришга уринилса, тизим буни амалга оширишга рухсат бермайди.
«Рақамли ривожланиш вазирлиги болалар учун алоҳида SIМ-карталар жорий этишни таклиф қилмоқда. Улар ота-оналар томонидан созланадиган трафикни фильтрлаш воситаларига эга бўлади. Шунингдек, улар орқали ёш чеклови бўлган ижтимоий тармоқларга кириш блокланади», — деди вазир.
Шунингек, эҳтимол айрим ота-оналар бундай SIМ-карталарни олишни истамасликлари мумкин. Бироқ вазирлик позициясига кўра, улар фарзандларига фильтрлаш имкониятига эга хавфсиз SIМ-карталарни тақдим этишга қизиқади.
«Операторлар бундай хизматни тақдим этишга мажбур бўлади. Қолган қарорни эса ота-оналарнинг ўзлари қабул қилади: уларга бундай SIМ-карта керакми ёки йўқ», — дея қўшимча қилди у.
