2025-2026-ўқув йили учун бакалавриатга кириш имтиҳонларида 56,7 ва ундан юқори балл тўплаган, бироқ талабаликка тавсия этилмаган, шу жумладан рўйхатдан ўтишнинг иккинчи босқичида олий таълим ташкилоти ва бакалавриат таълим йўналишларини танламаган абитуриентлар вакант ўринлар қолган бакалавриат таълим йўналишларига танловда иштирок этишлари мумкин.
Рўйхатдан ўтиш муддати 2025 йил 25-сентябрдан 3-октябргача (шу куни ҳам).
Танловда иштирок этиш тартиби:
Абитуриентлар «my.uzbmb.uz» шахсий кабинети орқали рўйхатдан ўтадилар.
Тест топширган фанлар мажмуаси ва таълим тилига мос йўналишлардан 5 тагача олий таълим муассасаси ва таълим йўналишини (таълим шакли билан бирга) танлаш имконияти мавжуд.
Рўйхатдан ўтган абитуриентлар тўплаган баллари кетма-кетлигига қатъий риоя қилинган ҳолда вакант ўринларга базавий тўлов-контракт асосида талабаликка тавсия этилади.
Танлов натижалари 2025 йил 8-октябргача эълон қилинади.
Муҳим эслатма: Агар абитуриент тест топширган фанлар мажмуаси ва таълим тилига мос вакант ўринлар мавжуд бўлмаса, танловда қатнашиш имконияти берилмайди.
