Телангана штати давлат мактаблари 2025–2026 ўқув йилидан бошлаб кодлаш, робототехника ва сунъий интеллект (АI)ни ўқув дастурига босқичма-босқич киритмоқда. Бошланғич синфларда кодлаш ва робототехникага кириш мавзулари берилади, АI эса мураккаб тушунчаларни фаол (аcтивитй-басед) усуллар орқали тушунтириш учун интеграция қилинади. Ўқитувчилар учун махсус ўқув-методик материаллар тайёрланди ва тренинглар ўтказилди. Синовлар якунланган, октабр ойигача бутун штат бўйлаб кенгайтириш режалаштирилган. Юқори синфлар учун эса хусусий ҳамкорлар билан рақамли дарслар, видеолар, интерактив контент ва тестлар жорий этилмоқда.
Маҳаллий расмий платформалар ҳам янгиликни тасдиқлади. Бу ўқув йилидан бошлаб кодлаш, АI ва дизайн тафаккури элементлари киритилиши, контент ва ўқитувчи тайёргарлиги штат миқёсида йўлга қўйилгани билдирилган.
Эрта ёшдан компьютер саводхонлиги мантиқий фикрлаш, муаммо ечиш ва алгоритмик саводхонликни эрта босқичда шакллантиради. Бу йўналишлар PISA 21 аср кўникмаларига мос келади. Амалий машғулотлар орқали ўқувчи иштироки ва мотивацияси ошади.
Ўқитувчиларнинг рақамли компетенцияси бўйича тизимли тайёргарлик ўқув натижаларига бевосита таъсир қилади — жорий этилаётган платформаларда аккаунтларни ўқитувчилар очиб беради, мониторинг ҳам улар орқали юритилади.
Халқаро трендга ҳам мос: К-12 босқичида кодлаш/АI интеграцияси Европа ва Осиёда кенгаяётган йўналиш, Телангана тажрибаси ҳам шу оқимда.
Қатор педагоглар АI ни жуда эрта босқичда қўллаш танқидий фикрлаш ўрнига автоматик ечимларга суянишни кучайтириши мумкинлигини эслатмоқда. Шунинг учун фаол методика, муаммога йўналтирилган топшириқлар ва ўқитувчи модерацияси ҳал қилувчи аҳамиятга эга бўлиб қолади.
