56,7 баллдан кам тўплаганлар ҳам супер-контрактда ўқиши мумкин. Бундай ҳолатда абитуриентлар супер контрактнинг 2 баробарини тўлаши керак бўлади. Ушбу контракт оширилган супер контракт ҳисобланади.
Масалан, абитуриент молия йўналишига топшириб, 40 балл тўплаган, яъни 56,7 баллдан кам. Демак, у камида 182 млн 598 минг сўм тўлаши керак (2 х 91.299.300).
Эслатма! Агар абитуриент 54 балл олиб, аммо кириш балли эса 57 балл бўлган ҳолатда ҳам оширилган супер контракт тўлайди. Яъни, 3 балл етмаган бўлса, 4 баллик шкала доирасида супер-контракни камроқ тўлаш имконияти йўқ.
56,7 баллдан кам тўпландими, икки карра кўпроқ супер-контракт тўланади. Кириш баллига қанча етмагани аҳамиятсиз.
Янада осонроқ ҳисоблаш учун, ҳар йили қабул комиссияси супер контракт нархларини белгилайди. Жорий йилги нархлар белгилангандан кейин, ушбу нархни иккига кўпайтириш орқали оширилган супер контракт қийматини билиб олиш мумкин.
Шунингдек, 15 октябргача 100% тўлов қилинганда бериладиган 10% лик чегирма оширилган супер контрактга ҳам тааллуқли.
