Ҳар йили тест синовларида минимум балл чегараси қўйилади. Шунингдек, Давлат қабул комиссияси тегишли баёни билан 2024-2025-ўқув йили учун давлат олий таълим муассасаларига минимал ўтиш баллари тасдиқланган. Унга кўра:
– давлат гранти бўйича минимал ўтиш бали – 68,0 балл (максимал 189,0 баллнинг 36%);
– тўлов-контракт бўйича минимал ўтиш бали – 56,7 балл (максимал 189,0 баллнинг 30%) этиб белгиланди.
Минимал ўтиш балли бу — абитуриентнинг ўқишга қабул қилиниши учун йиғиши шарт бўлган энг паст балл. Яъни, абитуриент натижаси билан белгиланган квотада турган бўлса ҳам, агар минимал балл ва ундан юқори натижани қайд этмаган бўлса, у талабаликка тавсия этилмайди.
Бу нима дегани?
Масалан, «Халқаро журналистика» йўналишига жами 24 та квота ажратилган бўлиб, абитуриент 56,7 баллдан кам натижа билан квотада контрактда турган бўлса ҳам, у талабаликка қабул қилинмайди. Ёки абитуриент 68 баллдан паст балл билан грант квотасида турган бўлса ҳам, у грантда эмас, контрактда ўқийди. Чунки белгиланган минимал баллдан паст натижани қайд этган.
Эслатма! Жорий ўқув йили учун ҳозирча минимал ўтиш балли эълон қилинмади.
