Олий таълим, фан ва инновациялар вазирлиги ахборот хизмати раҳбари Назокат Абдуқундузова имтиҳонга кечикиб келган абтириентларнинг имтиҳонга киритилиши билан боғлиқ саволларга жавоб берди.
«Имтиҳонга кечикиш мумкин эмас. Имтиҳонларнинг бошланиш аниқ вақти абитуриент рухсатномасида ёзилган бўлади. Шу боис, абитуриентлардан рухсатномада белгиланган муддат ва манзилга имтиҳон бошланишидан бир соат олдин етиб боришлари сўралади», – деган эди вазирлик мутасаддиси брифингда.
Таъкидлаш лозим, олдинроқ 2025-2026-ўқув йилида олий ва профессионал таълим муассасаларига ўқишга кириш тест синовлари 14 июлдан бошланди.
Абитуриентлардан тест синовлари бошланишидан камида бир ярим соат олдин белгиланган ҳудудга етиб келишлари талаб этилади.
Тест синовларида иштирок этиш учун онлайн рўйхатдан ўтган абитуриентларга «Абитуриент рухсатномаси» my.uzbmb.uz сайти орқали берилмоқда, шунингдек, @ruxsatnoma_uzbmb_bot орқали ҳам юклаб олиш мумкин.
Тест синовлари бошланишига саноқли кунлар қолганлиги боис абитуриентлардан ўзларига тегишли «Абитуриент рухсатномаси»ни юклаб олиб, чоп этиши керак бўлади.
