Англияда ота оналар мактабларда смартфонлардан фойдаланишни қонуний тақиқлашни қўллаб қувватламоқда. Бу борада ҳукуматга қарши судга мурожаат қилиш ниятида эканликларини билдиришган.
Таълим вазирлиги мактабларда телефонларни чеклаш имконияти борлигини ва зарарли контентдан ҳимоя қилиш учун Online Safety Act қонуни жорий этилаётганини маълум қилган.
2025 йил апрель ойида ўтказилган сўровномага кўра, Англиядаги мактабларнинг 90%ида ўқувчилар учун смартфонлардан фойдаланиш тақиқланган. Қолган мактабларда эса телефонларни олиб юришга рухсат берилган, аммо ундан фойдаланиш ёки кўрсатиш ман этилган.
Ота-оналар смартфонлардан фойдаланиш хавфли эканлиги учун мактабларда смартфонларни бутунлай чеклаш кераклигини таъкидлаган.
Шунингдек, улар мобил қурилмалар орқали болалар зўравонликга, турли мазмундаги зарарли контентга дуч келаётганлигини айтган. Бунинг натижасида киберзўравонлик кўпаймоқда дея огоҳлантирган.
Таълим вазирлиги мактабларда болаларнинг бир-бирини камситиши, зўравонлик қилиш ва номақбул суратларни тарқатиш ҳолатлари мавжудлигини тан олган.
Ҳозирда мактабларда телефонларни тақиқлаш ҳуқуқи мавжудлигини ва бошқарувчиларга фойдаланишни чеклаш бўйича кўрсатмалар берилаётганини билдирган. Шунингдек, онлайн хавфсизликни яхшилаш мақсадида янги қонунлар жорий этилишини таъкидлаган.
