Эртага — 10 июль куни «Жасорат мактаблари»га кириш имтиҳонлари бўлиб ўтади. Аввалроқ, 1-босқич кириш имтиҳон материаллари спецификацияси ва ўқувчиларни қабул қилиш тартиби белгилангани ҳақида хабар берган эдик.
Имтиҳонларда қуйидаги тартиб-қоидаларга амал қилишингиз сўралади:
– фарзандингизни имтиҳон ўтказилиши белгиланган манзилга ўз вақтида олиб келишингиз ва имтиҳондан сўнг ўзингиз билан олиб кетишингиз лозим;
– иссиқ об-ҳавони инобатга олиб, фарзандингизни енгил ва қулай кийимларда кийинтиринг;
– имтиҳонга келишдан олдин фарзандингиз тўйимли ва енгил нонушта қилганига эътибор беринг (ёғли, ҳазм қилишни қийинлаштирадиган таомлардан сақланинг).
Имтиҳонда «ёрдам» беришни ваъда қилаётган шахсларга асло ишонманг, бу фирибгарликдир.
Имтиҳонлар соат 8:00 да бошланади ва бир сменада бўлиб ўтади.
Маълумот учун: талабгорлар имтиҳон бошланишидан 1,5 соат олдин туғилганлик ҳақидаги гувоҳноманинг асл нусхаси ҳамда рухсатнома билан келишлари шарт.
Қўшимча маълумотлар учун тел: 1206
