Президент топшириғи билан Самарқанддаги мактабларга 17 та янги мактаб-автобуси берилди

Президент топшириғига асосан 2025 йил 18 июнь куни Қўшработ туманида таълим тизимини қўллаб-қувватлаш мақсадида 17 та янги мактаб-автобуслари топширилди. Бу ҳақида Саида Мирзиёева ўзининг расмий телеграм каналида хабар берди.

Бу автобуслар тумандаги 20 та олис ҳудудларда жойлашган мактабларга қатновчи 750 нафардан зиёд ўқувчининг мактабга хавфсиз ва қулай шароитда етиб боришини таъминлайди.

«Биз ҳар бир бола, қаерда яшашидан қатъий назар, сифатли, замонавий ва муносиб таълим олиш имкониятига эга бўлишини жуда истаймиз ҳамда бунга эришиш учун барча саъй-ҳаракатларимизни йўналтирамиз.» — деб ёзади Саида Мирзиёева ўз саҳифасида.