Жорий йилнинг 18 июнь куни нуфузли халқаро рейтинг агентлиги Times Higher Education (THE) томонидан «Impact Rankings 2025» натижалари эълон қилинди.
Рейтинг натижаларига кўра, Ўзбекистон олий таълим муассасалари минтақада энг юқори кўрсаткичларни қайд этиб, Марказий Осиё ва Кавказ минтақасида мутлақ етакчига айланган.
Агентлик университетларнинг Бирлашган Миллатлар Ташкилоти томонидан белгиланган 17 та Барқарор ривожланиш мақсадларига (БРМ) қўшган ҳиссасини таҳлил қилган. Унда Ўзбекистоннинг 59 та ОТМ қайд этилган бўлиб, бу кўрсаткич минтақадаги энг юқори натижа ҳисобланади.
Ўзбекистоннинг 12 та олий таълим муассасаси жаҳоннинг Топ-1000 талик университетлари рўйхатидан муносиб ўрин олган. Улар орасидан 3 та университет рейтингнинг энг юқори — 201–300 ўринлар бандида қайд этилган:
Тошкент давлат ўзбек тили ва адабиёти университети – 201–300
Ўзбекистон Миллий университети – 201–300
«ТИҚХММИ» Миллий тадқиқот университети – 201–300
Тошкент давлат юридик университети – 301–400
Самарқанд давлат университети – 401–600
Тошкент давлат иқтисодиёт университети – 401–600
Бухоро давлат университети – 601–800
Самарқанд давлат тиббиёт университети – 601-800
Навоий давлат университети – 801-1000
Тошкент давлат педагогика университети – 801-1000
Тошкент давлат техника университети – 801-1000
Тошкент ахборот технологиялари университети – 801-1000
Маълумот ўрнида, 2021 йилда эълон қилинган «THE Impact Rankings» рейтингидан юртимизнинг 12 та, 2022 йилда 30 та, 2023 йилда 47 та, 2024 йилда эса 53 та олий таълим муассасаси ўрин эгаллаган эди.
